مواقف المحرجه في المدرسه

لشدة الطفش الشديد :ا2:
قررت اكتب مواقفي المحرجه في المطرسه

وكل واحد يكتب مواقفه

.................
مرة انا وصديقتي جايبين بطاطس برنجلز وناكل بحصة القران
عاد انا من زود الحرص ايقالي مغبيته حاطه الشنطه بين الطاولتين والبطاطس عليه
وناكل مندمجين الا تقول لي الابله انتبهي لا يطيح البطاطس :ا2: :ا2:

.................
مره كنا قاعدين نسولف قامت بنت قطت معنا لا نعرفها ولا تعرفنا وكم مره يقطون معنا بنات
فقلت ابجرب اقط زيهم المهم كنا بالساحه وكان فيه بنات معهم بلوزهـ عليها جماجم
ومدري وش مسوين فيها وانا عندي مثلها قمت قطيت وقلت هذي البلوزة من زارا صح ...؟
وللاسف قالت وش دخلك وكانو شله كبيره فقمت الفشله

...............
مرره نمت بحصت النصوص واندمجت بقوه وفتحت الخشه قومتني الابله وقمت بعد عدة محاولات
قمت من النوم وكل البنات خروا يظحكون قمت رجعت انسدحت قالت الي وراي على الاقل صكري فمك احتقار

...............
مررة يوم كنت باولا ابتدائي جيت بدري وحجزت اول وحده بالطابور حطيت شنطتي ورحت العب يوم صفرت رحت مكاني اثر شنطتي مرميه وبدالها شنطه ثانيه جت البنت وصفت قدام وانا اناظرها قلت له انا كانت شنطتي هنا شلون جت شنطتك مكانها قالت وبكل بررود : رميتها انا من زود القهر طرررراخ عطيتها كف وشلت شنطتها ووقفت قدام صاحت البنت وراحت تنداي الابله يوم شفت الابله جايه اقعد على الارض واحط يديني على وجهي ومثلت اني اصيح >>> عااد انا ماهره بالصياح قالت الابلا خلاص اقعدي قداام وانتصرت

............
مره يوم انا الظاهر ب2 ابتدائي عيت اروح المدرسه ودتني امي غصب ودخلتني غصب يوم دخلت المبنا وانبطح بنص الساحه واقعد اصيحجت الابله حقتي والمشرفه وامي وابلا ثانيه بعد ويحاولون بي اقوم عيت الي تعطين حلاو وامي تعطين فلوس غير الفسحه الي معي وانا مرره معنده لما قالت الابلى الجمله السحريه

>> قومي واخليك عريــــــــــــفه <<
بعدين قمت باقصى سرعه
.............
وبس

هههههههههههههههه خطيرة
يسلمو ديموو

يسلموووووووو ههههههههههههههههههههههههههههههههه

تحفففففففه ياديموووو

ههههههههههههااااااااااااااااااااااااااي
حييييييييييييييييييييلووة . تيب المواقف سايرة لك انتي ؟؟!
.

» مواقف شباب فلللللللله مع الانقليزي